Фев 4 2017
Ах чазының порчозы (тахпах)
Сӧстерi паза кӧӧ чонни
Ах чазының порчозы,
Айы читсе, алӌасхай.
Армияа парған арғызым
Алтын медальлығ айланғай.
Кӧк чазының порчозы,
Кӱні читсе, алӌасхай.
Кӧңніме кірген арғызым
Кӱмӱс медальлығ айланғай.
Фев 4 2017
Иирдегi тус (М.Судочакова — Г.Челбораков)
Сӧстері М.Судочаковани, кӧӧ Г.Челбораковти.
Игір тирек таң хуӌаанда
Пӱлес туста сабыхсаан.
Ікі чӱрек чол хазында
Хости паарсах сабылған.
Мында амыр, пик кӧӧленіс,
Чиит тус. Хайди идерзің.
Хайда амыр, истіг чуртас —
Кӧӧленіс кӧӧн истерзің.
Игір тирек. Айның чарии.
Чӱрек саапча амырда.
Паарға теепче ырыс тадии,
Хыныс ӱні тамылза.
By sarynzhy • Сарыннар сӧстерi, Судочакова М., Челбораков Г. •
Фев 4 2017
Хынызым (тахпах)
Сӧстерi паза кӧӧ чонни.
Пiр саринаң кӱн салза,
Пір саринаң саларох.
Пір ле оолға кӧӧлензе,
Пасхазы даа хынарох.
Хызылғаттың ағазын
Кем не сындыр салды ни?
Хызыл наахтығ оолағас
Ноға мында чоғыл ни?
Харағаттың ағазын
Кем не сындыр салды ни?
Хара харахтығ оолағас
Ноға тастап парды ни?
Амох сығар чарых кӱн
Хара пулут кистінең.
Амох килер оолғыҷаам
Пӧзік тағлар кистінең.
By sarynzhy • Сарыннар сӧстерi, Тахпах, Чонни, Чонни •
Фев 4 2017
Хара харааң ӱчӱн (тахпах) — М.Кильчичаков
М.Е. Кильчичаковтың «Абалығ хол» ойыннаң Иразанның ыры, кӧӧ чонни
Ікі хара харааң ӱчӱн,
Чӱс хараа чӧрем узубин.
Таң азыра ӱнім успин,
Сині сағынып сарнирбын,
Сынап мағаа хынминчатсаң,
Парып, суға кірібізем.
Чар устӱнең кӧр халарзың,
Палых полып, чӱзібізем.
By sarynzhy • Кильчичаков М., Сарыннар сӧстерi •
Фев 4 2017
Хыс сарыны (тахпах)
Алексей Ананьевич Шурышевтең пазылған, 1944 ч.
Чалбырандыра от тамыстым,
Чайым хайди хайнабинча?
Чарым кӱнӌе сағын салдым,
Чалахайым ноға килбинче?
Ах чазыны салғыдып,
Адым сыдабин, айландым.
Арғызым, синi сағынып,
Ал чӱреемнең сағыдым.
By sarynzhy • Сарыннар сӧстерi, Тахпах, Чонни, Чонни •
Фев 4 2017
Хыс паланың кӧңнi (тахпах)
Сӧстерi паза кӧӧ чонни
Азыр тағның тӱлгӱзін
Аттығ сӱрзеңер тударзар.
Алар ползаңар позымны,
Адам чирінзер парарзар.
Игір тағның тӱлгӱзін
Ибір пілзеңер тударзар.
Изертер ползаңар позымны,
Инем чирiне парарзар.
By sarynzhy • Сарыннар сӧстерi, Тахпах, Чонни, Чонни •
Фев 4 2017
Стол кистiнде (тахпах)
Сӧстерi паза кӧӧ чонни
Суғдаң сусхан суғ нимес,
Сууласпин ісчең ас нимес.
Сайдаң сусхан суғ нимес,
Сарнаспин ісчең ас нимес.
Кӧлдең сусхан суғ нимес,
Кӧглеспин ісчең ас нимес.
By sarynzhy • Сарыннар сӧстерi, Тахпах, Чонни, Чонни •
Фев 4 2017
Оолның ыры (тахпах)
Сӧстерi Онаска Катановти, кӧӧ Н.Катановти.
Ах порам чортхан чирлерде
Ах порчо пастығ от ӧскей.
Алар ла минің хызыма
Алтын порағлығ сас ӧссін.
Кӧк порам чортхан чирлерде
Кӧк порчо пастығ от ӧскей.
Кӧӧленген минің хызыма
Кӱмӱс порағлыг сас ӧссін.
By sarynzhy • Сарыннар сӧстерi, Тахпах, Чонни, Чонни •
Фев 4 2017
Наа палаа алғас (тахпах)
Евдокия Павловна Майнагашевадаң пазылған, 1945 ч.
Алты пулуңнығ ах ибің
Айға сусталып турчатсын,
Арғалдаң алған наа пала
Ах хыр сапханӌа чуртазын.
Кӧзенектіг кӧк тураң
Кӱнге сустапып турчатсын.
Кӧп чоннаң алған наа пала
Кӧк хыр сапханӌа чурт салзын.
By sarynzhy • Сарыннар сӧстерi, Тахпах, Чонни, Чонни •
Фев 4 2017
Хызамастың ыры (М.Кильчичаков — Г.Челбораков).
Сӧстерi М.Кильчичаковти, кӧӧ Г.Челбораковти.
Аймахтың малын хадарып,
Арғама кизер кип таппаам.
Адам алған ах хырнам
Арғам даа чаппас пол парды.
Ил чонның малын хадарып,
Иңніме кизер кип таппаам.
Инем апған ис хырнам
Иңнім дее чаппас пол парды.
By sarynzhy • Кильчичаков М., Сарыннар сӧстерi, Челбораков Г. •